عظمتِ مصطفیٰ ؐ کانفرنس کے تحت مقابلہ تحریر، تلنگانہ کے مختلف اضلاع میں منعقد
عظمتِ مصطفیٰ ؐ کانفرنس کے ضمن میں منعقدہ تحریری مقابلہ تلنگانہ کے مختلف اضلاع کے علاوہ دونوں شہر حیدرآباد و سکندرآباد میں منعقد کیا گیا۔
![عظمتِ مصطفیٰ ؐ کانفرنس کے تحت مقابلہ تحریر، تلنگانہ کے مختلف اضلاع میں منعقد](https://urdu.munsifdaily.com/wp-content/uploads/2024/08/COMPETITION.jpg)
حیدرآباد: عظمتِ مصطفیٰ ؐ کانفرنس کے ضمن میں منعقدہ تحریری مقابلہ تلنگانہ کے مختلف اضلاع کے علاوہ دونوں شہر حیدرآباد و سکندرآباد میں منعقد کیا گیا۔ اس مقابلے میں یونیورسٹی، کالج، اسکول، اور مدارس کے طلبہ و طالبات کی کثیر تعداد نے جوش و خروش کے ساتھ حصہ لیا۔
مقابلے کے مختلف مراکز کا معائنہ مولانا مفتی ڈاکٹر حافظ محمد مستان علی قادری، ڈائریکٹر و فاؤنڈر جامعۃ المؤمنات مغلپورہ حیدرآباد، مولانا مفتی ڈاکٹر حافظ محمد صابر پاشاہ قادری، خطیب و امام مسجد تلنگانہ اسٹیٹ حج ہاؤس نامپلی حیدرآباد، مولانا حافظ محمد ایوب احمد انصاری، نائب صدر تنظیم فروغِ لسانیات، مولانا محمد عبدالواسع احمد صوفی، مولانا ریاض احمد اشرفی، مولوی قاضی محمد شمش الدین فاروقی، مولانا عبدالرحیم قادری، اور دیگر حضرات نے کیا۔
شرکاء کو توصیفی اسناد کے ساتھ اول، دوم، سوم کے انعامات کے علاوہ ترغیبی انعامات بھی عظمتِ مصطفیٰ ﷺ کانفرنس میں دیے جائیں گے۔