دوسرے مذہب کی لڑکی سے شادی کرنے پر نوجوان کا قتل
نوجوان کو لڑکی کے والد اور دیگر افراد نے بے دردی سےقتل کردیا۔ باپ کو اس بات پر غصہ تھا کہ دوسرے مذہب سے تعلق رکھنے والے نوجوان کو اس کی بیٹی سے پیار ہو گیا اور اس سے شادی بھی کر لی۔
باگلکوٹ: کرناٹک میں باگلکوٹ کے جامکھنڈی میں ایک سنسنی خیز واقعہ میں ایک نوجوان کو دوسرے مذہب کی لڑکی سے محبت کرکے شادی کرنےکے پاداش میں قتل کر دیا گیا۔ لڑکی کا والد اس کیس کا کلیدی ملزم ہے جسے پولیس نے گرفتار کر لیا ہے۔
پولس کے مطابق نوجوان کو لڑکی کے والد اور دیگر افراد نے بے دردی سےقتل کردیا۔ باپ کو اس بات پر غصہ تھا کہ دوسرے مذہب سے تعلق رکھنے والے نوجوان کو اس کی بیٹی سے پیار ہو گیا اور اس سے شادی بھی کر لی۔
مقتول نوجوان کی شناخت جین دھرم کے بھجبالی کھڈجگی (34) کے طور پر کی گئی ہے۔ الزام ہے کہ کھتریہ برادری سے تعلق رکھنے والی بھاگیہ شری پاٹل کے والد نے نوجوان کو قتل کیا۔
پولیس نے بتایا کہ لڑکی کے والد تمنگوڈا پاٹل اور تین دیگر ملزمان نے نوجوان کو اس کے چہرے پر نمک پاوڈر پھینک کر ہلاک کر دیا جب وہ ہفتہ کی رات جامکھنڈی تعلقہ کے تککوڈا میں بھگوان ہمو کی پالکی کے تہوار کے بعد گھر واپس لوٹ رہا تھا۔
فی الحال اس قتل کے کلیدی ملزم تمنگوڈا پاٹل کو ساولی تھانے کے پولیس اہلکاروں نے گرفتار کیا ہے۔ پولیس نے بتایا کہ انہوں نے دیگر ملزمان کی تلاش کے لیے ٹیم تشکیل دی ہے۔
