وائی ایس شرمیلا کی پدیاترا جاری، بی آر ایس لیڈروں کے حملہ کا الزام

حیدرآباد: تلنگانہ کے ضلع ورنگل میں وائی ایس آرتلنگانہ پارٹی کی سربراہ وائی ایس شرمیلا کی پد یاترا جاری ہے۔ان کی یاترا ضلع کے اے بی ٹانڈہ، دولت نگر سے ہوتی ہوئی وردھناپیٹ حلقہ پہنچی۔

 پدا یاترا کے دوران کسی بھی ناخوشگوار واقعہ کو روکنے کے لیے پولیس کی بھاری تعداد کو تعینات کیا گیا تھا۔شرمیلا نے وائی ایس آرتلنگانہ پارٹی کے کارکنوں اور لیڈروں پر حکمران جماعت بی آرایس کے لیڈروں کی جانب سے حملہ کا الزام لگایا۔

انہوں نے کہاکہ برسراقتدار جماعت کی بے قاعدگیوں پر سوال اٹھانے والے ان کی پارٹی کے کارکنوں اور صحافیوں پر حملے کئے جارہے ہیں۔ شرمیلا نے ریاستی حکومت پر اپنے وعدوں کو پورا کرنے میں ناکامی کا الزام لگایا۔