چڑیا گھر کے مالک کو دو سر والے سانپ نے کاٹ لیا، ویڈیو وائرل
ویڈیو میں بریور سانپ کو ہاتھ میں لیتے ہوئے اس کا سر تھپتپاتے بھی دیکھے گئے جس دوران انہیں سانپ نے کاٹ لیا جس پر انہوں نے بتایا کہ اس نے مجھے ابھی دو بارہ کاٹا ہے۔
کیلی فورنیا: کیلیفورنیا میں قائم چڑیا گھر کے مالک کو دوسروں والے سانپ نے کاٹ لیا جس کی ویڈیو بھی شیئر کی گئی ہے۔ میڈیا رپورٹس کے مطابق دو سروں والے نایاب سانپ کی ویڈیو کیلیفورنیا کے فاؤنٹین ویلی میں قائم کیے گئے ریپٹائل چڑیا گھر کی ہے جس میں مالک کو دو سروں والے سانپ سے کھیلتے،بچوں کو دیتے دیکھا جاسکتا ہے حتیٰ کہ اسی دوران سانپ نے چڑیا گھر کے مالک کو کاٹ لیا۔
میڈیا رپورٹس میں بتایا گیا ہے کہ جے بریور نے رینگنے والے جانوروں کے ساتھ گزشتہ ہفتےچڑیا گھر کی بنیاد رکھی ہے، اس چڑیا گھر کی ایک ویڈیو جے نے ’ دو سر والے سانپوں نے مجھے کاٹا‘ کے عنوان سے سوشل میڈیا پر بھی شیئر کی ہے۔
ویڈیو میں بریور سانپ کو ہاتھ میں لیتے ہوئے اس کا سر تھپتپاتے بھی دیکھے گئے جس دوران انہیں سانپ نے کاٹ لیا جس پر انہوں نے بتایا کہ اس نے مجھے ابھی دو بارہ کاٹا ہے۔ اس ویڈیو پر سوشل میڈیا صارفین کی جانب سے تنقیدکا اظہار کیا جارہا ہے۔
