اقلیتوں سے جاری ناانصافی کو ختم کرنے کا عزم:صدرنشین ریاستی اقلیتی کمیشن

حیدرآباد: صدرنشین اقلیتی کمیشن تلنگانہ طارق انصاری نے کہا کہ وہ اقلیتوں کے ساتھ ہورہی ناانصافی کو حکومت کے تعاون سے اس کا خاتمہ کریں گے۔

طارق انصاری نے ذرائع ابلاغ کے نمائندوں کو مخاطب کرتے ہوئے کہا کہ حکومت کی جانب سے حقوق انسانی اور اقلیتوں کے مسائل حل کرنے کے لئے جو ذمہ داری دی گئی ہے۔

وہ اس ذمہ داری کو بہ حسن خوبی نبھائیں گے۔ انہوں نے کہا کہ چیف منسٹر کے چندر شیکھر راؤ نے انہیں اس عہدے پر نامزد کیا ہے۔ وہ اس سلسلہ میں چیف منسٹر کا شکریہ ادا کرتے ہیں۔

انہوں نے کہا کہ ریاستی وزراء محمد محمود علی‘ ٹی ہریش راؤ ودیگر قائدین نے ان کی حوصلہ افزائی کی ہے۔ وہ اس سلسلہ میں ان تمام کا شکریہ ادا کرتے ہیں۔ انہوں نے مزید کہا کہ آج ملاقات کرکے ان کی حوصلہ افزائی کرنے والے تمام سیاسی اور غیر سیاسی قائدین کا بھی شکریہ ادا کرتے ہیں۔