انگلینڈ کے بشمول 8 ٹیمو ں کی ہم جنس پرستوں کو حمایت

دوحہ: ہم جنس پرست تنازعہ اب فیفا ورلڈکپ میں شروع ہوا ہے جو پہلے ہی تنازعات میں گھرا ہوا تھا۔ میچ کے دوران انگلینڈ کے بشمول 8 ٹیموں نے ہم جنس تعلقات کی حمایت کا فیصلہ کیاہے۔

انگلینڈ کے کیپٹن ہریکین نے کہاکہ وہ ایران کے خلاف اپنے پہلے میچ میں رینبو بینڈ پہنیں گے جو ہم جنس پرست کمیونٹی کی علامت ہے۔ اس پر فیفا نے کہاکہ اگر ٹیمیں یا کھلاڑی ایسا کرتے ہیں تو یہ قوانین کی خلاف ورزی ہوگی۔ فیفا کھلاڑیوں پر پابندی بھی لگا سکتاہے۔

انگلینڈ کے کپتان ہریکین اور پوری ٹیم ہم جنس پرست کمیونٹی کی حمایت میں ون لو بینڈ پہن کر میچ میں داخل ہوگی۔ انگلینڈ کا آج پہلا میچ ایران سے ہے جہاں ہم جنس پرستوں پر پابندی ہے۔ دوحہ میں فیفا ورلڈکپ ہورہا ہے، وہاں بھی ہم جنس پرستوں پر پابندی ہے۔ یہیں سے تنازعہ شروع ہوا۔

ہریکین نے کہاکہ ایک ٹیم، عملے اور تنظیم کے طورپر ہم نے واضح کردیا ہے کہ ہم ONE LOVE بینڈ پہننا چاہتے ہیں۔ فیفا سے بات چیت جاری ہے اور وہ ہمیں میچ سے قبل فیصلے سے آگاہ کریں گے۔ ہم نے اپنی خواہش واضح کردی ہے۔ ایران کے خلاف آج کے میچ میں اگر ہیری کین رینبو بینڈ پہن کر اترتے ہیں تو گراؤنڈ میں آتے ہی ریفری انہیں یلو کارڈ دکھا سکتے ہیں۔

اگر ہریکین دوسرے میچ میں بھی ایسا ہی کرتے ہیں تو انہیں دوبارہ یلو کارڈ دکھایا جاسکتاہے جس کی وجہ سے وہ تیسرے میچ میں نہیں کھیل سکیں گے۔ فیفا میچ سے پہلے اپنی ٹیم کو ڈریسنگ روم بھیج سکتاہے اور کھلاڑیوں سے اپنے بینڈ ہٹانے کو کہہ سکتاہے۔ اس کے علاوہ جرمانہ یا پابندی بھی لگایا جاسکتا ہے۔

انگلینڈ کے علاوہ ویلش کے گیرتھ بیل، جرمنی کے مینوئل نیور، نیدرلینڈ کے ورجل وان ڈجک نے بھی رینبو بینڈ پہننے کا ارادہ کرلیا ہے۔ جملہ 8 ٹیمیں ہیں جو ہم جنس تعلقات کی حمایت میں ہیں۔ ان ٹیموں اور کھلاڑیوں کے نام ابھی سامنے آئے ہیں۔ انگلینڈ کی ٹیم چاہتی ہے کہ پوزیشن واضح کی جائے کہ بینڈ پہننے پر کیاکیا جائے گا۔

اس کے بعد ٹیم اور انتظامیہ مل کر فیصلہ کریں گے۔ جرمنی نے کہاکہ اگر جرمانہ عائد ہوتاہے تو ہم اس کیلئے تیار ہیں۔ تاہم ٹیم انتظامیہ پریشان ہے کہ آیا ان کے کھلاڑی مینوئل پر ایکشن لیا جاسکتا ہے۔ ورلیجل وان نے کہاکہ میں ون لو بینڈ پہنوں گا۔ اگر اس کیلئے مجھے یلو کارڈ نہیں دکھایا گیا تو ہم اس پر بات کریں گے۔ جب کوئی کھلاڑی نامناسب سلوک کرتاہے تو یلو کارڈ دکھایا جاتاہے۔