اگر سب کچھ ٹھیک ہے تو امیت شاہ جموں تا لال چوک یاترا نکالیں: راہول گاندھی

سری نگر: کانگریس قائد راہول گاندھی نے مرکزی وزیر داخلہ امیت شاہ کو جموں و کشمیر میں سیکیوریٹی صورتِ حال کے سلسلہ میں نشانہ تنقید بنایا۔

سیکیوریٹی کی مبینہ کوتاہی کی وجہ سے چند دن پہلے انھیں اپنی بھارت جوڑو یاترا روکنی پڑی تھی۔

راہول گاندھی نے چن چن کر قتل کیے جانے اور بم دھماکوں کی نشاندہی کرتے ہوئے جو جموں و کشمیر میں باقاعدگی سے رونما ہورہے ہیں، کہا کہ اگر صورتِ حال اتنی اچھی ہے تو پھر بی جے پی کے لوگ جموں تا لال چوک یاترا کیوں نہیں کرتے؟

امیت شاہ جموں تا لال چوک کیوں یاترا نہیں نکالتے؟ انھوں نے سری نگر میں میڈیا کانفرنس میں یہ بات کہی۔