ایفلو کی طالبہ کی خودکشی

حیدرآباد: انگلش اینڈ فارن لینگویجس یونیورسٹی (ایفلو) کی ایک طالبہ نے مبینہ طور پر کیمپس کی ایک عمارت سے آج صبح چھلانگ لگا کر خودکشی کرلی۔22 سالہ انجلی نے بتایا جاتا ہے کہ ہاسٹل کی چوتھی منزل سے چھلانگ لگا انتہائی اقدام کیا ہے۔

ہریانہ کی رہنے والی انجلی، ایفلو میں جو ایک سنٹرل یونیورسٹی ہے، ایم اے انگلش کی طالبہ تھی۔ یہ یونیورسٹی، جامعہ عثمانیہ کے کیمپس کے قریب ہے۔

یونیورسٹی حکام کی جانب سے الرٹ کرنے کے بعد پولیس فوری مقام واقعہ پہنچی اور لاش کو پوسٹ مارٹم کیلئے گاندھی ہاسپٹل منتقل کردیا گیا۔

طالبہ کے انتہائی اقدام کے پس پردہ وجوہات کا علم نہیں ہوسکا۔ پولیس نے شبہ ظاہر کیا کہ خاندانی مسائل، خودکشی کی وجہ ہوسکتی ہے۔ عثمانیہ یونیورسٹی پولیس نے کیس درج کرتے ہوئے تحقیقات کا آغاز کردیا ہے۔