بی آر ایس کے کارگزار صدر کے ٹی آر شدید بخار میں مبتلا

حیدرآباد: کے ٹی آر نے کہا کہ وہ آج ہونے والی کریم نگر میٹنگ میں شرکت کے قابل نہیں ہیں۔ وہ گزشتہ دو دنوں سے ڈاکٹر کی زیر نگرانی گھر میں ہی زیر علاج ہیں۔ ڈاکٹر نے کہا کہ مکمل صحت یابی کیلئے ایک یا دودن کا وقت لگے گا۔

بی آر ایس کے کارگزار صدرکے ٹی آر جنہوں نے گزشتہ کچھ دنوں سے پارٹی کے جلسوں  میں شرکت کی ہے، گزشتہ دو دنوں سے شدید بخار اور فلو کی علامات میں مبتلا ہیں۔ تین دن قبل کاماریڈی میں ہوئی میٹنگ کے بعد کے ٹی آر پوری طرح سے صحت یاب نہیں ہوئے ہیں۔

اس پس منظر میں کہا جا رہا ہے کہ وہ آج کریم نگر میں منعقد ہونے والی بڑی آؤٹ ڈور میٹنگ میں شرکت نہیں کر پا رہے ہیں۔ ڈاکٹروں کی نگرانی میں گھر بیٹھے علاج کیا جا رہا ہے۔ ڈاکٹروں نے بتایا کہ وہ ایک یا دو دن میں مکمل طور پر صحت یاب ہوجائیں گے۔

 کے ٹی آر نے کہا کہ کریم نگر اجلاس کو کامیاب بنانے کے لیے پارٹی کی جانب تمام انتظامات کیے گئے ہیں، انہوں نے کہا کہ کریم نگر پارلیمنٹ حدود میں تمام اسمبلی حلقوں کے پارٹی نمائندوں کے ساتھ وقتاً فوقتاً رابطہ کرکے وہ معلومات حاصل کررہے ہیں۔