جنیوا میں مخالف ِ ہند پوسٹرس

دہلی: ہندوستان نے آج سوئٹزر لینڈ کے سفیر کو طلب کیا اور جنیوا میں اقوامِ متحدہ کی عمارت کے روبرو بدنیتی پر مبنی مخالف ہند پوسٹرس کے مسئلہ احتجاج درج کرایا۔

سوئٹزر لینڈ کے سفیر نے وزارتِ خارجہ کو بتایا کہ وہ برنے کو ہندوستان کی تشویش سے پوری سنجیدگی کے ساتھ واقف کرائیں گے۔

ایک ذریعہ نے بتایا کہ سکریٹری (ویسٹ) وزارتِ خارجہ نے آج سوئٹزر لینڈ کے سفیر کو طلب کیا اور جنیوا میں اقوامِ متحدہ کی عمارت کے روبرو بے بنیاد اور بدنیتی پر مبنی مخالف ہند پوسٹرس کا مسئلہ اٹھایا۔

سوئٹزر لینڈ کے سفیر نے بتایا کہ جنیوا میں جو پوسٹرس چسپاں کیے گئے ہیں وہ تمام کو فراہم کی گئی جگہ کا حصہ ہیں، لیکن سوئٹزر لینڈ کی حکومت ان دعوؤں کی توثیق نہیں کرتی اور نہ یہ پوسٹرس سوئٹزر لینڈ کی حکومت کے موقف کی عکاسی کرتے ہیں۔