جیل کی سیاست، تعلیم کی سیاست سے زیادہ آسان۔ سسوڈیا کا مکتوب

نئی دہلی: دہلی کے سابق ڈپٹی چیف منسٹر منیش سسوڈیا نے آج عدالتی تحویل میں رہتے ہوئے”تعلیم کی سیاست بمقابلہ جیل کی سیاست“ کے موضوع پر ایک کھلا مکتوب تحریر کیا۔

انہوں نے الزام لگایا کہ تعلیم کی سیاست سے بی جے پی کو یہ مسئلہ ہے کہ اس کی وجہ سے ملک تعمیر ہوتا ہے، قائدین نہیں۔ انہوں نے لکھا ”بچوں کو معیاری تعلیم دینے سے کہیں زیادہ آسان سیاسی مخالفین کو جیل بھیج دینا ہے۔

تعلیم کی سیاست سے بی جے پی کو اصل مسئلہ یہ درپیش ہے کہ اس کی وجہ سے ملک کی تعمیر ہوتی ہے، قائدین کی نہیں۔

انہوں نے کہا کہ تعلیم کی سیاست آسان کام نہیں ہے اور یقینا یہ سیاسی کامیابی حاصل کرنے کی ترکیب نہیں ہے۔

آج بی جے پی کے دور حکومت میں شاید جیل کی سیاست جیت رہی ہے لیکن مستقبل تعلیم کی سیاست سے تعلق رکھتا ہے“۔ انفورسمنٹ ڈائرکٹوریٹ نے پہلی مرتبہ 7 مارچ کو سسوڈیا سے پوچھ تاچھ کی تھی۔