منیش سسوڈیہ کی درخواست عبوری ضمانت پر ایجنسیوں کو نوٹس

نئی دہلی: دہلی کی عدالت نے جمعہ کے دن عام آدمی پارٹی قائد منیش سسوڈیہ کی درخواست پر انفورسمنٹ ڈائرکٹوریٹ اور سی بی آئی کو نوٹس جاری کی۔

سسوڈیہ نے لوک سبھا انتخابات کی مہم چلانے آبکاری کیسس میں عبوری ضمانت دینے کی گزارش کی ہے۔ خصوصی جج برائے سی بی آئی اور ای ڈی کاویری بویجا نے مرکزی ایجنسیوں کو ہدایت دی کہ وہ 20 اپریل کو جواب داخل کردیں۔

امکان ہے کہ عدالت اُسی دن سسوڈیہ کی درخواست کی سماعت کرے گی۔ انہیں سنٹرل بیورو آف انوسٹیگیشن نے 26 فروری 2023کو اور ای ڈی نے 9 مارچ 2023 کو گرفتار کیاتھا۔ وہ 28 فروری 2023 کو دہلی کابینہ سے مستعفی ہوگئے تھے۔