حج کمیٹی نے ویٹنگ لسٹ کے 984 عازمین کی ”سفر حج“ تصدیق کردی

حیدرآباد: محمدسلیم صدر نشین، تلنگانہ اسٹیٹ حج کمیٹی اور بی۔ شفیع اللہ، ایگزیکٹیو آفیسر کی کامیاب نمائندگی پر مرکزی حج کمیٹی نے تلنگانہ سمیت 15 ریاستوں کیلئے مزید ویٹنگ لسٹ کی منظوری دی ہے۔

مرکزی حج کمیٹی کے تحریری مکتوب میں تلنگانہ کیلئے 828 سے 984تک ویٹنگ لسٹ کو منظوری دی ہے۔

ویٹنگ لسٹ کے منتخب عازمین کوعزیزیہ زمرہ کی جملہ رقم 3,05,173/- روپئے بغیر قربانی،اورقربانی کے ساتھ رقم 3,21,517روپئے 31مئی سے قبل جمع کرانا ہوگا۔

عازمین کے کورنمبر پر بینک ریفرینس نمبر جاری کیا جائے گا جس کے بعد یہ رقم حج کمیٹی آف انڈیا کی ویب سائٹ www.hajcommittee.gov.inپر آن لائین جمع کی جا سکتی ہے یا پھر SBI یا UBI کی کسی بھی برانچ میں حج کمیٹی کے اکاؤنٹ میں جمع کی جاسکتی ہے۔