حکومت، کمزور طبقات سے کئے گئے وعدوں کی تکمیل کی پابند:پونم پربھاکر

حیدرآباد: وزیر بہبود پسماندہ طبقات پونم پربھاکر نے کہا کہ ریاست کے کمزور طبقات سے کانگریس پارٹی نے جو بھی وعدے کے تھے۔ انہیں پورا کیا جائے گا۔ آج انہوں نے میڈ یا سے بات چیت کرتے ہوئے کہا کہ حکومت کی  خواہش ہے کہ پسماندہ اور کمزور طبقات کو سماجی، سیاسی اور روزگار کے شعبوں میں ترقی حاصل ہو۔

انہوں نے کہا کہ ہم کسی کے خلاف نہیں ہیں۔ پونم پربھاکر نے واضح کیا کہ بی سی طبقات کی مردم شماری کا فیصلہ تمام سیاسی جماعتوں کی رائے لینے کے بعد ہی لیا گیا ہے۔ انہوں نے مزید کہا کہ حکومت ذات پات کی مردم شماری کے بعد پسماندہ طبقات کو  100 فیصد فائدہ پہنچانے کے لیے آگے بڑھے گی۔