حیدرآباد میں عنقریب ڈبل ڈیکر سٹی بس خدمات کا آغاز

حیدرآباد: منیجنگ ڈائرکٹر تلنگانہ اسٹیٹ روڈ ٹرانسپورٹ کارپوریشن(ٹی ایس آر ٹی سی) وی سی سجنار نے کہا کہ حیدرآباد شہر میں عنقریب ڈبل ڈیکر سٹی بس خدمات کا دوبارہ آغاز کیا جائے گا۔

انہوں نے کہا کہ محکمہ کی جانب سے دس ڈبل ڈیکر بسوں کا آرڈر دیا گیا ہے اورقوی امکان ہے کہ آئندہ ایک ماہ میں بسیں مل جائیں گی۔

یہ اقدام شہر میں سیاحت کو فروع دینے میں کارآمد ثابت ہوگا۔

انہوں نے کہا کہ حیدرآباد میں سٹی بس خدمات کو مزید مستحکم کرنے کیلئے300 الیکٹرک بسیں حاصل کی جارہی ہیں۔ یہ بسیں حاصل ہونے کے بعد مزید 500 الیکٹریک بسوں کا آرڈر دیا جائے گا۔