تانیہ
ملک کا آئین کہتا ہے کہ ہندوستان میں کسی کے ساتھ مذہب، ذات پات، جنس، جائے پیدائش کی بنیاد پر امتیازی سلوک نہیں کیا جائے گا کیونکہ یہاں تمام طبقات برابر ہیں۔ لیکن 21ویں صدی کے اس دور میں بھی ہندوستان کے کونے کونے سے ہر روز ایسی خبریں ہمارے سامنے آتی ہیں، جن میں مذہب، ذات پات، جنس وغیرہ کی بنیاد پر کسی نہ کسی کے ساتھ برا سلوک کیا جاتا ہے۔ کبھی اسکول میں ایک ہی برتن سے پانی پینے کے معاملے پرتو کبھی دولہا کے گھوڑی چڑھنے پر غیر انسانی سلوک سننے کو ملتا ہے۔ یہ مسئلہ آج بھی شہروں کی نسبت ملک کے دیہی علاقوں میں اہمیت کا حامل ہے۔ اگرچہ حکومت اور انتظامیہ اس معاملے کو بہت سنجیدگی سے لیتی ہے اور ایسی حرکتیں کرنے والوں کے خلاف سخت کارروائی کی جاتی ہے، لیکن پھر بھی دیہی علاقوں سے یہ مسئلہ ختم ہوتا نظر نہیں آتا۔ایسا ہی معاملہ اتراکھنڈ کے باگیشور ضلع کے گروڈ بلاک میں واقع چورس¶ گا¶ں میں دیکھنے کو ملتا ہے۔ جہاں لوگ ذات پات کی تفریق کا شکار ہو رہے ہیں۔ جس کی وجہ سے گا¶ں کا سماجی ماحول بھی متاثر ہو رہا ہے۔ تقریباً 3569 کی آبادی والے اس گا¶ں میں نچلی اور اونچی ذات والوں کی تعداد برابر ہے۔ اس کے باوجود کئی بار گا¶ں میں نچلی ذات کے لوگوں کے ساتھ غیر انسانی سلوک دیکھنے کو ملتا ہے۔ تشویش کی بات یہ ہے کہ یہ برائی اسکول تک پہنچ چکی ہے۔ جس کی وجہ سے گا¶ں کی نوعمر لڑکیوں کی تعلیم سب سے زیادہ متاثر ہو رہی ہے۔ وہ ٹھیک سے پڑھ نہیں پاتی ہیں۔ ذہنی طور پر وہ محسوس کرتی ہے کہ گا¶ں میں ان کے ساتھ ذات پات کا امتیاز ہوتا تھا، اب وہ اسکول میں بھی اس امتیاز کا سامنا کر رہی ہیں۔ ذات پات کی تفریق سے پریشان، گا¶ں کی ایک نوعمر کماری ریتیکا کہتی ہیں کہ نہ صرف ہمارے گا¶ں بلکہ اسکول میں بھی ہمیں ذات پات کی تفریق کی نظر سے دیکھا جاتا ہے۔ ایک نچلی برادری سے تعلق رکھنے والی ریتیکا بتاتی ہیں کہ جب تمام بچے کلاس میں بیٹھے ہوتے ہیں تو ٹیچر صرف ان بچوں کو پانی لانے کو کہتے ہیں جن کی ذات بڑی ہے۔ یہی نہیں اعلیٰ ذات کے اساتذہ کانیچی ذات کے بچوں کے ساتھ سلوک کا فرق بھی صاف نظر آتا ہے۔ جب اسکول میں تمام بچوں کو برابر سمجھا جاتا ہے تو پھر ہمارے ساتھ امتیازی سلوک کیوں؟ ہمیں یہ سب کچھ بہت برا لگتا ہے اور اس کی وجہ سے ہم اچھی طرح سے پڑھائی نہیں کر پاتے ہیں۔ اسی ذات سے تعلق رکھنے والی ایک اور نوعمر کماری انجلی کہتی ہیں کہ یہ سچ ہے کہ ہماری ذات کی وجہ سے مذہبی مقامات پر ہمارے ساتھ امتیازی سلوک کیا جاتا ہے۔ ہماری ذات چھوٹی ہے اس لیے مذہبی مقامات پر بھی ہمارے ساتھ امتیاز برتا جاتا ہے۔ ہمیں مندر کے اندر جانے کی اجازت نہیں ہے۔ مجھے ہر طرف امتیازی سلوک نظر آتا ہے۔ یہاں تک کہ شادی بیاہ جیسے تہواروں میں بھی ہمارے ساتھ امتیاز برتا جاتا ہے۔ کھانا پکانے سے لے کر پروسنے تک، اونچی اور نچلی ذات کے درمیان امتیاز برتا جاتا ہے۔ پست ذات ہونے کی وجہ سے ہمیں معاشرے میں برابر کا حصہ نہیں ملتا۔ ذات پات کی تفریق سے پریشان، گا¶ں کی ایک 40 سالہ خاتون بھاگا دیوی کہتی ہیں کہ نہ صرف مندر بلکہ کام کی جگہ پر بھی ذات پات کے امتیاز کا سامنا کرنا پڑتا ہے۔ جب ہم کہیں کام کرنے جاتے ہیں تو نہ صرف ذات پات کی بنیاد پر کام تقسیم کیا جاتا ہے بلکہ مذاق کے نام پر ذات پات کے تبصرے بھی کیے جاتے ہیں۔ پیسوں کی ضرورت کی وجہ سے ہم یہ سب برداشت کرنے پر مجبور ہیں۔ حالانکہ گا¶ں کی آنگن واڑی کارکن آمنا دیوی گا¶ں میں ذات پات کی بنیاد پر امتیازی سلوک کو قبول کرتی ہیں، لیکن ان کا کہنا ہے کہ آنگن واڑی مرکز میں بچوں کے ساتھ کوئی امتیاز نہیں برتا جاتا ہے۔ گا¶ں کے سرپنچ کشن سنگھ بھی گا¶ں میں ذات پات اور مذہبی امتیاز کو قبول کرتے ہیں۔ ان کا کہنا ہے کہ امتیازی سلوک کی یہ شکل اب بدل چکی ہے۔ پہلے لوگ کھلم کھلا اور براہ راست امتیاز کرتے تھے، اب وہ بالواسطہ ایسا کرتے ہیں۔
کشن سنگھ کہتے ہیں کہ یہ ذات پات کی تفریق پہاڑوں میں بہت گہری ہے۔ آج بھی اونچی ذات کے لوگ نچلی ذات کے لوگوں کے ساتھ بیٹھ کر کھانا نہیں کھاتے۔ اب بھی گا¶ں میں شادی کی تقریب سے متعلق کام کے لیے دو کچن بنائے جاتے ہیں جن میں اونچی ذات اور نچلی ذات کے لوگوں کے لیے الگ الگ کھانے کا انتظام ہوتاہے۔ گو کہ نئی نسل کے لوگ یہ امتیازی سلوک بہت کم کرتے ہیں لیکن پھر بھی گا¶ں کے پرانے سوچ رکھنے والے لوگ ہیں جو نئی نسل کے لوگوں کو یہ امتیازی سلوک کرنے پر مجبور کرتے ہیں۔ وہ اسے ثقافت کا حصہ سمجھتے ہیں۔ کشن سنگھ کو یقین ہے کہ آہستہ آہستہ وہ وقت آئے گا جب گا¶ں سے یہ تفریق ختم ہو جائے گی، یہ تبدیلی گا¶ں کی نوجوان نسل سے ہی آئے گی۔ سماجی کارکن نیلم گرینڈی کا کہنا ہے کہ’یہ سچ ہے کہ آج بھی ہمارے ملک میں ذات پات کی تفریق کو بہت بڑے پیمانے پر سمجھا جاتا ہے۔ شہروں سے لے کر دیہات تک، چھوٹے چھوٹے قصبوں اور شہروں میں بھی ذات پات کی تفریق پائی جاتی ہے۔ ناخواندہ لوگ امتیازی سلوک کرتے ہیں، لیکن پڑھے لکھے لوگوں میں بھی بڑی تعداد میں ذات پات کی نفرت پائی جاتی ہے۔ خوشی کی بات چھوڑو آج بھی لوگ غم میں امتیاز کرتے ہیں۔ آج بھی نچلی ذات کے لوگ اونچی ذات کی لاش کو کندھا نہیں دے سکتے۔ یہ کسی بھی مہذب معاشرے کے لیے شرم کی بات ہے۔ یہ درست ہے کہ آج کی نوجوان نسل تعصب پر کم یقین رکھتی ہے لیکن کہیں نہ کہیں ایسا ضرور کرتی ہے۔ اس میں تبدیلی لانے کی ضرورت ہے۔ ذات پات کی تفریق کو ختم کرنے کے لیے سماجی بیداری کوپیدا کرنے کی ضرورت ہے کیونکہ یہ معاشرے کی ترقی کے لیے بہت مہلک ہے۔
