بنگالوروسڑک حادثہ میں تلنگانہ کا نوجوان ہلاک

حیدرآباد: سالگرہ کے دن درشن کے لئے جانے کے دوران پیش آئے سڑک حادثہ میں تلنگانہ کا نوجوان بنگالورو میں ہلاک ہوگیا۔

مہلوک کی شناخت نارائن پیٹ ضلع سے تعلق رکھنے والے 26سالہ واسودیوچاری کے طورپر کی گئی ہے۔ خاندانی ذرائع کے مطابق واسودیوابتداہی سے تعلیم میں کافی تیز تھا۔

یہ خاندان بعد ازاں حیدرآبادمنتقل ہوگیا جہاں واسودیوچاری نے اپنی تعلیم کی تکمیل کی اور بنگالورو کی ایک کمپنی میں اس نے ملازمت اختیار کی۔

بنگالورومیں اس کے دوست بھی تھے۔ہ اپنے دوستوں کے ساتھ وہاں رہتا تھا۔ واسودیوچاری کی گذشتہ روز سالگرہ تھی۔

وہ سالگرہ کے دن مندرمیں درشن کیلئے اپنے دوست کے ساتھ جارہا تھا کہ ٹووہیلرگاڑی بنگلورو کے نندی ہلز علاقہ کے قریب ڈیوائیڈر سے ٹکراگئی۔حادثہ اتنا شدید تھا کہ اس کی موقع پر ہی موت ہوگئی ۔