حیدرآباد
روہت ویمولا خودکشی معاملہ، چیف منسٹر نے منصفانہ اور شفاف جانچ کا وعدہ کیا،روہت کے بھائی کا دعوی
روہت کے بھائی نے کہاکہ ہمیں یقین ہے کہ تلنگانہ کی کانگریس حکومت اس معاملے کی دوبارہ جانچ کرے گی۔انہوں نے کہاکہ یہ کلوژررپورٹ داخل کرنے کے بعد تلنگانہ کے ڈی جی پی نے بیان دیا ہے کہ وہ اس کیس کی دوبارہ جانچ کرنے جا رہے ہیں
حیدرآباد: حیدرآباد سنٹرل یونیورسٹی کے طالب علم روہت ویمولا کی 2016میں خودکشی کے معاملہ میں پولیس کی جانب سے عدالت میں کلوژررپورٹ داخل کرنے کے معاملہ پر ردعمل ظاہر کرتے ہوئے روہت ویمولا کے بھائی ویمولا راجہ نے کہا کہ ا س مسئلہ پر وزیراعلی ریونت ریڈی سے نمائندگی کی گئی ہے جنہوں نے روہت ویمولا کو انصاف دلانے کے لیے منصفانہ اور شفاف جانچ کا ان سے وعدہ کیا ہے۔
ہمیں یقین ہے کہ تلنگانہ کی کانگریس حکومت اس معاملے کی دوبارہ جانچ کرے گی۔انہوں نے کہاکہ یہ کلوژررپورٹ داخل کرنے کے بعد تلنگانہ کے ڈی جی پی نے بیان دیا ہے کہ وہ اس کیس کی دوبارہ جانچ کرنے جا رہے ہیں
اور وہ ہائی کورٹ میں اس خصوص میں عرضی دائر کریں گے۔ اسی دوران روہت کی ماں نے کہاکہ روہت کے ساتھ معطل دیگر طلبہ کے معاملہ کی بھی وزیراعلی سے نمائندگی کی گئی ہے۔
ہمیں فالو کریں
