ریونیو ریکارڈز کی اصلاح کیلئے دھرانی پورٹل متعارف

حیدرآباد: نائب صدر نشین تلنگانہ اسٹیٹ پلاننگ بورڈ بی ونود کمار نے کہا کہ حکومت ریونیو ریکارڈس کی اصلاح کیلئے دھرانی پورٹل متعارف کرایا ہے۔

کئی دہوں سے تنازعات کی شکار اراضیات کے مسائل کا حل دریافت کیا جارہا ہے۔ مرکزی وزیر جی کشن ریڈی پر حقائق جانے بغیر بات کرنے کا الزام لگاتے ہوئے انہوں نے کہا کہ ایک ایسے نظام جس کے ذریعہ کئی دہائیوں سے جاری مسائل کا حل دریافت کیا جارہا ہے‘ پر تنقید غلط اقدام ہے۔

انہوں نے کہا کہ اب تک 95 فیصد اراضی ریکارڈز کو دھرانی پورٹل سے مربوط کردیا گیا ہے۔ کئی برسوں سے زیر التواء مسائل حکام کی نظر میں آرہے ہیں۔

خاندانی تنازعات اراضی کی سرحدین فروخت کے مسائل اور ٹکنیکل مسائل حل کئے جارہے ہیں۔

چند مسائل کیلئے دھرانی پورٹل پر تنقید کو نامناسب قراردیتے ہوئے ونود کمار نے کہا کہ حکومت نے زرعی اراضیات کی خرید و فروخت میں شفافیت لانے کیلئے ہی دھرانی پورٹل شروع کیا گیا ہے جس سے ریاست کے لاکھوں کسانوں کو فائدہ ہوا ہے۔

حکومت اپنے موافق نظریہ کو جاری رکھتے ہوئے دھرانی پورٹل کے مسائل کو حل کرنے سنجیدہ ہے۔