سرکاری اسکولس کے ایس ایس سی طلبہ کیلئے خصوصی کلاسس

حیدرآباد: مارچ2023 میں منعقدشدنی ایس ایس سی امتحانات کے نتائج میں بہتری لانے کیلئے تمام سرکاری اسکولس میں جماعت دہم میں زیر تعلیم طلباء کو خصوصی ٹریننگ دینے کا فیصلہ کیا گیا۔

ڈسٹرکٹ کامن کمیٹی ممبرس اور سبجکٹ اکسپرٹس(ماہرین) کے ساتھ محکمہ تعلیمات کے عہدیداروں کے مشاورتی اجلاس میں فیصلہ کیا گیا کہ تمام سرکاری اسکولس کے جماعت دہم کے طلباء کو تمام مضامین کیلئے اسپیشل کلاسس کا انعقاد عمل میں لایا جائے گا۔

28 نومبر سے اسپیشل کلاس کا آغاز ہوگا۔

خصوصی کلاسس صبح8 تا9 اور شام4 تا5بجے تک منعقد کی جائیں گی۔ ریاست میں تمام سرکاری اسکولس کے ہیڈ ماسٹرس کو اس خصوص میں ضروری اقدامات کرنے کی ہدایت دی گئی ہے۔