گرام پنچایت سطح پر میارج رجسٹریشن کی سہولت

حیدرآباد: ریاستی حکومت کی جانب سے کم عمر میں شادیوں کے واقعات کے تدارک کی سمت اہم فیصلہ کرتے ہوئے گرام پنچایتوں میں ہی میاریج رجسٹریشن کی سہولت فراہم کرنے کا فیصلہ کیا گیا۔

حکومت کے اس فیصلہ سے دیہی علاقوں کے عوام کو اپنے گرام پنچایتوں میں شادیوں کے رجسٹریشن کا موقع حاصل ہوگا۔ اس سارے عمل کی نگرانی ضلع گرام پنچایتوں کو تفویض کی جارہی ہے۔

اس اقدام کے ذریعہ گرام پنچایتوں کے سکریٹریز کو شادیوں کے رجسٹریشن کا موقع حاصل ہوگا۔ حکومت کے اس فیصلہ سے غریب خاندانوں کو شادی مبارک اور کلیان لکشمی اسکیم سے استفادہ کے مواقع حاصل ہوں گے اور اس اسکیم سے استفادہ کیلئے شادی کے فوری بعد گرام پنچایت میں درخواست داخل کرنے کی سہولت فراہم کی گئی ہے۔

ہر ضلع میں گرام پنچایتوں میں شادیوں کے رجسٹریشن کی سہولت کی فراہمی سے جہاں کم عمر میں شادیوں کے واقعات کا بہت حدتک تدارک ہوگا وہیں سرکاری اسکیموں سے مستفید کرانے اور خاندانوں کی حقیقی تعداد سے حکومت کو معلومات فراہم ہوسکے گی۔ قانون کے مطابق شادی کے لئے لڑکے کی عمر21 اور لڑکی کی 18سال ہونا ضروری ہے۔