دوبئی: پاکستان کے نوجوان تیز گیند باز شاہنواز دہانی ‘مشتبہ’ چوٹ کی وجہ سے اتوار کو ہندوستان کے خلاف ایشیا کپ کے سپر -4 میچ سے باہر ہو گئے ہیں۔
ہفتہ کو یہ اطلاع شیئر کرتے ہوئے پاکستان کرکٹ بورڈ (پی سی بی) نے کہاکہ "شاہنواز دہانی اتوار کے اے سی سی ایشیا کپ کے سپر 4 میچ میں ہندوستان کے خلاف مشتبہ سائیڈ اسٹرین کی وجہ سے دستیاب نہیں ہوں گے۔ وہ جمعہ کو شارجہ میں ہانگ کانگ کے خلاف بولنگ کرتے ہوئے انجری کا شکار ہوگئےتھے۔
پی سی بی نے کہا کہ سائیڈ اسٹرین انجری کے باعث انہیں 48 سے 72 گھنٹے تک طبی ٹیم کی نگرانی میں رکھا جائے گا۔ اس کے بعد ٹورنامنٹ میں ان کی شرکت کا فیصلہ کیا جائے گا۔
واضح رہے کہ پاکستان کے مایہ ناز فاسٹ باؤلر شاہین آفریدی اور محمد وسیم جونیئر انجری کے باعث پہلے ہی ٹیم سے باہر ہو چکے ہیں۔ شاہنواز دہانی نے ایشیا کپ 2022 میں ہندوستان کے خلاف پہلے میچ میں چار اوورز میں 29 رنز دیے۔
وہیں ہانگ کانگ کے خلاف دو اوورز میں سات رنز کے عوض ایک وکٹ بھی ایک دھچکا تھا۔ ہندوستان اور پاکستان کے درمیان سپر 4 کا میچ اتوار کو کھیلا جائے گا جو ہندوستانی وقت کے مطابق 07:30 بجے شروع ہوگا۔
