شرپسندوں کو برداشت نہیں کیا جائے گا:ممتا بنرجی

کولکتہ: وزیرا علیٰ ممتا بنرجی نے آج مشرقی مدنی پور کے کھجوری میں ایک تقریب کے دوران اپوزیشن جماعتوں پر سخت تنقید کرتے ہوئے کہا کہ بنگال میں شرپسندی کی اجازت نہیں دی جائے گی۔

انہوں نے کہا کہ جان بوجھ کر حالات خراب کرنے کی کوشش کی جارہی ہے۔ اور اس کے ساتھ ہی انہوں نے کئی اسکیموں اور پروجیکٹ کا افتتاح کرتے ہوئے کہا کہ اب وہ لوگ بھی لکشمی بھنڈار کے لئے درخواست دے سکتے ہیں جن کے پاس ہیلتھ کارڈ نہیں ہے۔ممتا بنرجی نے کہا کہ جن کے پاس ساٹھ سال کی عمر کے بعد آپ کو ماہانہ ایک ہزار روپے ملیں گے۔

بڑھاپے کے الاؤنس کے لیے درخواست دینے کی ضرورت نہیں۔ بغیر گارنٹی کے بھی آپ کو 5 لاکھ ٹکا تک کا قرض ملے گا۔ انہوں نے کہا کہ“دوارے سرکار”ایک سرکاری بوتھ ہوگا۔ آپ کو وہاں سے تمام فوائد حاصل ہوں گے۔نندی گرام تحریک کا ذکر کرتے ہوئے ممتا بنرجی نے کہا کہ یہاں دس دنوں تک تانڈومچا ہوا تھا اور کسی کو بھی یہاں نے ہمت نہیں تھی۔

چندی پور میں میری گاڑی پر پیٹرول بم سے حملہ کرنے کی کوشش کی گئی۔ مجھ پر بہت ظلم ہوا ہے۔ اس کے بعد بھی مجھے جدوجہد سے کوئی نہیں روک سکا۔ آج کچھ لوگ بڑی بڑی باتیں کررہے ہیں۔اپوزیشن کی تنقید کرتے ہوئے ممتا بنرجی نے کہا کہ میں میدان جنگ چھوڑنے والی نہیں ہوں۔ سی پی ایم کے دور میں بھی غنڈی گردی کا مقابلہ کیا۔اپنی زندگی سے کھیل کر لوگوں کی زندگی سے بچائی ہے۔

میں نے غنڈہ گردی، لوگوں کی زندگیوں سے کھیلتے، تالابوں کو زہر آلود کرتے، ہاتھ کاٹتے، ٹانگیں کاٹتے دیکھا ہے۔ اور میں بی جے پی کے دور میں فسادات دیکھ رہی ہوں۔ روزے کا مہینہ چل رہا ہے، اناپورنا پوجا چل رہی ہے۔ رام نومی کا جلوس 5 دن کیوں ہوگا؟ رام نوامی کے دن جلوس نکالیں۔ ہمیں کوئی اعتراض نہیں ہے۔ لیکن بندوقوں اور بموں کے ساتھ مارچ کرنے کی اجازت نہیں دی جائے گی۔

اجازت نہیں ملنے کے باوجود جلوس نکالا جارہا ہے۔ اتنی سڑکیں ہونے کے باوجود یہ اقلیتی علاقوں میں داخل ہو رہی ہے۔ وہاں پھلوں کی گاڑیاں جلا دی گئیں۔ بندوقوں کے ساتھ رقص کیا جارہا ہے۔وزیرا علیٰ ممتا بنرجی نے کہا کہ ہم سب بجرنگ بلی کااحترام کرتے ہیں مگر 6اپریل کو بجرنگ ریلی کے دوران کسی کو بھی شرپھیلانے کی اجازت نہیں دی جاسکتی ہے۔ مدنی پور میں فسادیوں کو جنم نہیں دیا۔

آپ نے آزادی پسندوں کو جنم دیا۔ مدنی پو ر کھودی ریم کو جنم دیا ہے۔ ہر ایک کا اپنا اپنا مذہب۔ سب کے لیے تہوار۔ 6 تاریخ کو میں ہندو بھائیوں اور بہنوں کو انچارج رکھوں گا۔ رمضان چل رہا ہے۔ مسلمان بھائیوں اور بہنوں کو گاؤں گاؤں جا کر اس بات کو یقینی بنانا چاہیے کہ ان پر ظلم نہ ہو۔ وہ اقلیت ہیں۔

ان کو ہم سے انصاف ملے۔ کسی قبائلی پر ہاتھ نہ ڈالیں۔ نوجوان آگے آئیں۔ کیا تم فسادیوں کو نہیں روک سکتے؟ ممتابنرجی نے کہاکہ جو لوگ سڑکوں پر طوفان بدتمیزی کرتے ہیں، وہ جان لیں کہ قانون ہے۔ اگر آپ قانون کو اپنے ہاتھ میں لیتے ہیں اور سرکاری یا نجی املاک کو تباہ کرتے ہیں تو آپ کی زمین ان لوگوں کے لیے نیلام کر دی جائے گی جن کے گھر جلائے گئے ہیں۔