طالبہ کی خودکشی کا واقعہ، گورنر نے رپورٹ طلب کرلی۔کانگریس دو لاکھ ملازمتیں فراہم کرے گی:راہل گاندھی

حیدرآباد: گورنرتلنگانہ ڈاکٹرتمیلی سائی سوندراراجن نے پبلک سرویس کمیشن کے مسابقتی امتحان کے باربارالتوا پر شہرحیدرآباد کے ایک ہاسٹل میں طالبہ کی خودکشی کے واقعہ کا سخت نوٹ لیتے ہوئے اس معاملہ پر صدمہ کا اظہار کیا۔

انہوں نے چیف سکریٹری، ڈی جی پی اور پبلک سرویس کمیشن کے سکریٹری کو ہدایت دی کہ وہ 48 گھنٹے کے اندر طالبہ کی موت پر رپورٹ پیش کریں۔

اسی دوران کانگریس لیڈر راہل گاندھی نے ٹویٹ کیا کہ پروالیکا کی خودکشی کا واقعہ بہت افسوسناک ہے۔ یہ خودکشی نہیں بلکہ قتل ہے۔ تلنگانہ کا نوجوان بے روزگاری کا شکار ہے۔

جاب کیلنڈر اسی وقت آئے گا جب ریاست میں کانگریس کی حکومت آئے گی۔ ہم اقتدار میں آنے کے بعد ٹی ایس پی ایس سی کو یو پی ایس سی کی طرح مضبوط بنائیں گے۔

اقتدار میں آنے کے ایک سال کے اندر 2 لاکھ ملازمتیں فراہم کی جائیں گی۔