طالب علم کے بیاگ سے پستول ضبط

رام گڑھ (جھارکھنڈ): انگریزی ذریعہ تعلیم کے کانونٹ (مشنری) اسکول میں ایک طالب ِ علم دیسی ساختہ پستول کے ساتھ پائے جانے پر دو طلباء کو گرفتار کیا گیا۔ پولیس نے آج یہ بات بتائی۔

پولیس نے بتایا کہ بھورکنڈ پولیس اسٹیشن کے تحت علاقہ میں واقع سی بی ایس ای سے مسلمہ اسکول کی نویں جماعت کے طالب ِ علم کے بیاگ میں پستول ایک ٹیچر کو دکھائی دیا، تب اسکول حکام نے پولیس کو مطلع کیا۔

پولیس فوری اسکول پہنچ کر پستول ضبط کرلی۔ سب ڈیویژنل پولیس آفیسر پتراتو، بیریندر کمار چودھری نے یہ بات بتائی۔

اس نے مزید بتایا کہ طالب ِ علم نے بتایا کہ وہ آٹھویں جماعت کے ایک طالب ِ علم کو دینے پستول لایا تھا۔ پولیس نے بتایا کہ مزید تفصیلات فراہم نہ کرنے پر دونوں طلباء کو گرفتار کرلیا گیا۔ معاملے کی تمام پہلوؤں سے تحقیقات کی جارہی ہیں۔