علاج میں تاخیر کے باعث5 سالہ لڑکا فوت

بھوپال: سوشل میڈیا پر ایک ویڈیو ظاہر ہوا ہے جس میں یہ دکھایا گیا ہے کہ ایک خاتون اپنے 5 سالہ بچہ کی لاش کے ساتھ رو رہی ہے جو مدھیہ پردیش جلپور کے ایک ہاسپٹل میں فوت ہوگیا۔

خاتون کو خاندان کے دیگر 2 ارکان کے ساتھ سرکاری ہاسپٹل کے باہر دکھایا گیا ہے جب بچہ کی لاش کی شناخت رشی پنڈرے کی حیثیت سے کی گئی۔

خاندان کے ارکان نے الزام عائد کیا کہ لڑکا اِس لئے فوت ہوگیا کہ بروقت اُس کا علاج نہیں کیا گیا۔ متوفی لڑکے کا ماموں پون بگڑکاڈے نے الزام عائد کیا کہ اُس کے بھانجہ کو جب سرکاری ہاسپٹل لے جایا گیا تھا تو وہاں کوئی ڈاکٹر یا ذمہ دار عملہ نہیں تھا۔

تاہم انتظامیہ نے الزامات کی تردید کی اور کہا کہ لڑکا اُس وقت ہاسپٹل لانے سے قبل ہی فوت ہوگیا تھا اور انتظامیہ نے یہ بھی دعویٰ کیا کہ میڈیکل آفیسر ڈاکٹر لوکیش نے لڑکے کا معائنہ کیا اور اُسے مردہ قرار دیا۔