نلگنڈہ میں سڑک حادثہ،3 افراد ہلاک

حیدرآباد: تلنگانہ کے ضلع نلگنڈہ میں پیش آئے سڑک حادثہ میں تین افراد ہلاک ہوگئے۔یہ حادثہ ضلع کے یارسانی گوڈم میں اُس وقت پیش آیا جب ایک تیز رفتار کار کے ڈرائیور نے اس کا توازن کھودیا ۔

اور یہ کار، ڈیوائیڈر سے ٹکرا کر الٹ گئی۔ حادثہ اتنا شدید تھا کہ کار میں سوار تین افراد موقع پر ہی ہلاک اوردیگر 6افراد زخمی ہوگئے۔

اطلاع ملنے پر پولیس نے موقع پر پہنچ کر امدادی کارروائی شروع کی اور زخمیوں کو علاج کیلئے نارکٹ پلی کے پرائیویٹ اسپتال اور لاشوں کو پوسٹ مارٹم کے لیے دوسرے اسپتال منتقل کیا گیا۔