سڑک حادثہ میں اے پی کی طالبہ کی موت پر مذاق کے واقعہ کی جانچ کروانے امریکہ سے ہندوستان کا مطالبہ

حیدرآباد: حکومت ہند نے امریکہ کے سیاٹل شہر کے پولیس عہدیدارکے اس ویڈیو پر سخت ردعمل ظاہر کیا ہے جس نے آندھراپردیش سے تعلق رکھنے والی ایک طالبہ کی موت کے واقعہ پر مذاق اڑایاتھا۔

سان فرانسسکو میں ہندوستانی قونصل خانے نے ٹویٹ کرتے ہوئے اس واقعہ کی فوری جانچ کا مطالبہ کیا۔قونصلیٹ جنرل نے ا س واقعہ کو تشویشناک قراردیا۔انہوں نے کہاکہ اس معاملہ کو سیاٹل کے مقامی حکام اور واشنگٹن ریاست کے ساتھ ساتھ واشنگٹن ڈی سی کے سینئر عہدیداروں کے ساتھ سختی سے اٹھایاگیا ہے۔

انہوں نے مطالبہ کیا کہ اس المناک واقعہ میں ملوث عہدیدار کے خلاف سخت کارروائی کی جائے۔قبل ازیں پولیس نے سیاٹل کے پولیس ڈپارٹمنٹ کے عہدیدار ڈینیل اوڈیریروسیاٹل پولیس آفیسرس گلڈکے خلاف جانچ شروع کی۔

امریکہ کے نیویارک میں سڑک عبور کرتے ہوئے پولیس کی پٹرولنگ گاڑی کی زد میں آکر ہلاک ہونے والی آندھراپردیش کی لڑکی کی موت کامذاق اڑانے والے پولیس عہدیدار کا ویڈیو وائرل ہوگیا تھا۔

اس پولیس عہدیدارنے اس واقعہ کا مذاق اڑایا تھا اور اس پر ہنسا بھی تھا۔ اس کے یہ تمام الفاظ اس کے باڈی کیم کیمرے میں ریکارڈ ہوئے۔

ان مناظر کے منظر عام پر آنے کے بعد اعلیٰ عہدیداروں نے اس کے رویہ کی جانچ کی ہدایت دی ہے۔ آندھراپردیش کے کرنول ضلع کے ادونی سے تعلق رکھنے والی23سالہ جانوی کوکالج جاتے ہوئے پولیس کی ایک پٹرولنگ گاڑی نے سڑک عبور کرنے کے دوران اس کو ٹکر دے دی تھی جس کے نتیجہ میں اس موت ہوگئی تھی۔

آن لائن وائرل فوٹیج میں پولیس عہدیدارڈینیل کو اس بارے میں یہ کہتے ہوئے سنا جا رہا ہے کہ وہ ایک عام آدمی تھی اور اس کی موت بے سود تھی۔ اس نے قہقہہ بھی لگایاتھا۔