وشاکھاپٹنم میں سڑک حادثہ، دو افراد ہلاک

حیدرآباد: آندھراپردیش کے وشاکھاپٹنم میں پیش آئے سڑک حادثہ میں دو افراد ہلاک ہوگئے۔

یہ حادثہ تلگوتلی فلائی اوورپر اُس وقت پیش آیا جب بائیک چلانے والے نے اس کا توازن کھودیا اور یہ بائیک فلائی اوور پر لگے ڈیوائیڈرسے ٹکراگئی۔

اس حادثہ میں دو نوجوان ہلاک اور ایک شدید زخمی ہوگیا۔مہلوکین کی شناخت شیام اورہرشاکے طورپر کی گئی ہے۔

اطلاع ملتے ہی پولیس وہاں پہنچی جس نے شدید زخمی راجو کو علاج کے لئے اسپتال منتقل کردیا جبکہ مہلوکین کی لاشوں کو پوسٹ مارٹم کے لئے بھیج دیاگیا۔

پولیس نے اس سلسلہ میں ایک معاملہ درج کرکے جانچ شروع کردی۔