ویب سائٹ دی وائر کے خلاف بی جے پی لیڈر کی شکایت

نئی دہلی: بی جے پی کے آئی ٹی سیل کے سربراہ امیت مالویہ نے ہفتہ کے روز ویب سائٹ ”دی وائر“ کے خلاف دہلی پولیس کے اسپیشل کمشنر کے پاس شکایت درج کرائی۔

انہوں نے الزام عائد کیا کہ اس ویب سائٹ میں ان کی ساکھ کو داغدار کرنے دستاویزات میں الٹ پھیر کی ہے۔

یہ شکایت دی وائر کے بانی سدھارتھ وردھا راجن، بانی ایڈیٹر سدھارتھ بھاٹیہ، ایڈیر این کے وینو، ڈپٹی ایڈیٹر اور ایگزیکیٹیو نیوز پروڈیوسر جھانوی سین اور دیگر کے خلاف تعزیرات ہند کی دفعات 420، 468، 469، 471، 500، 120B اور 34 کے تحت درج کرائی گئی ہے۔

مالویہ نے جمعرات کے روز کہا تھا کہ ان کی شبیہ اور ساکھ کو داغدار کرنے کی کوشش پر وہ ویب سائٹ کے خلاف شکایت درج کرائیں گے۔