کالاپتھر کے خانگی ہاسپٹل میں فیملی پلاننگ کا غلط آپریشن، خاتون کی موت

حیدرآباد: کالاپتھرعلاقہ میں خانگی ہاسپٹل میں غلط آپریشن کی وجہ سے ایک خاتون کا انتقال ہوگیا۔ پولیس نے ہاسپٹل انتظامیہ کے خلاف مقدمہ درج کرلیاہے۔ ذرائع کے بموجب شادنگر کی خاتون ریشماں بیگم کالاپتھر کے خانگی ہاسپٹل میں ایک ہفتہ قبل شریک ہوئی تھی جہاں پر فیملی پلاننگ آپریشن ہوا تھا۔ آپریشن کے بعد خاتون کی صحت بگڑگئی۔

 وہ دوبارہ ہاسپٹل انتظامیہ سے رجوع ہوئی۔ انتظامیہ نے مان لیا کہ آپریشن غلط ہوااور ہرجانہ کے طورپر ریشماں بیگم کوڈھائی لاکھ روپے بھی ادا کئے لیکن کل ریشماں بیگم کاانتقال ہوگیا۔

ان کے رشتہ دار کالاپتھر پولیس اسٹیشن سے رجوع ہوکر شکایت درج کروائی۔ پولیس نے دفعہ304/Aکے تحت مقدمہ درج کرکے تحقیقات کا آغاز کردیا۔