وشاکھاپٹنم میں کورونا کے 10 نئے معاملات

حیدرآباد: آندھراپردیش کے وشاکھاپٹنم میں کورونا کے دس نئے معاملات سامنے آئے ہیں۔اس طرح سرگرم معاملات کی تعداد بڑھ کر38تک جاپہنچی ہے۔ان میں 25مریض اسپتالوں اور گھروں میں الگ تھلگ زیرعلاج ہیں۔اس وبا کے مثبت معاملات میں اضافہ کے پیش نظرعوام میں تشویش دیکھی جارہی ہے۔

گذشتہ سال دسمبر کے دوسرے ہفتہ میں کورونا کے معاملات درج کئے گئے تھے۔24دسمبر کوایک خاتون کی کورونا سے موت کی بھی اطلاع ملی ہے۔اس خاتون کی موت کے بعد اس کے رشتہ داروں کا کوویڈ معائنہ کروایاگیا تھا تاہم وہ منفی پائے گئے۔اس موت کے بعد ضلع بھرمیں چوکسی اختیار کی جارہی ہے۔عوام کو مشورہ دیا گیا ہے کہ وہ احتیاط کریں۔