سریش کمار، ایفلو کے وائس چانسلر کے عہدہ سے سبکدوش

حیدرآباد: وزرات تعلیم نے انگلش اینڈ فارین لیگنویجس یونیورسٹی(ایفلو) کے وائس چانسلر کے طورپر پروفیسر ای سریش کمار کو عہدہ سے سبکدوشی کی اجازت دی جس کے بعد سریش کمار آج اپنے عہدہ سے سبکدوش ہوگئے۔

پروفیسر سریش کمار نے شخصی وجوہات کی بنیاد پر انہیں اس عہدہ سے سبکدوشی کی اجازت دینے کی خواہش کی تھی جو انہیں دے دی گئی۔

پروفیسر سریش کمار نے یونیورسٹی کی پرو وائس چانسلر پروفیسر سرابھی بھارتی کو ذمہ داری حوالے کی جس کی ہدایت وزرات تعلیم نے انہیں دی تھی۔پروفیسر بھارتی، تاحکم ثانی یا پھر نئے وائس چانسلر کی تقرری تک اس عہدہ پر فائز رہیں گی۔