بابا صدیقی قتل کیس میں 11 ویں گرفتاری

ممبئی (پی ٹی آئی) ممبئی پولیس نے چہارشنبہ کے دن بابا صدیقی قتل کیس میں ایک اور ملزم کو گرفتار کیا جس کے ساتھ ہی گرفتاریوں کی جملہ تعداد 11 ہوگئی۔ عہدیداروں نے یہ بات بتائی۔

ملزم 29 سالہ امیت ہیشم سنگھ کمار کو ہریانہ سے پکڑا گیا۔ دیگر ملزمین سے پوچھ تاچھ کے دوران جرم میں اس کا رول سامنے آیا تھا۔

این سی پی قائد 66 سالہ بابا صدیقی کو 12 اکتوبر کو ممبئی کے باندرہ علاقہ میں ان کے رکن اسمبلی بیٹے ذیشان صدیقی کے دفتر کے باہر گولی مارکر ہلاک کیا گیا تھا۔

تحقیقاتی عہدیدار ابھی تک یہ پتہ نہیں چلاسکے کہ قتل کا مقصد کیا تھا۔ مختلف زاویوں سے تحقیقات جاری ہیں۔