رفح پر اسرائیلی فضائی حملے میں 15 افراد شہید

غزہ: جنوبی غزہ کی پٹی کے شہر رفح میں اتوار کی رات تین رہائشی عمارتوں پر اسرائیلی فضائی حملوں میں کم از کم 15 فلسطینی ہلاک ہو گئے۔

یہ اطلاع فلسطین کی سرکاری خبر رساں ایجنسی وفا نے پیر کو دی۔

مقامی ذرائع نے بتایا کہ کئی دیگر لوگ اب بھی ملبے تلے دبے ہوئے ہیں اور سول ڈیفنس کی ٹیمیں انہیں بچانے کے لیے کام کر رہی ہیں۔

حماس کے زیر انتظام وزارت صحت کی طرف سے جاری کردہ ایک بیان کے مطابق گزشتہ 24 گھنٹے کے دوران اسرائیلی فوج کی کارروائیوں میں 66 فلسطینی ہلاک اور 138 زخمی ہوئے۔

بیان کے مطابق 7 اکتوبر 2023 کو اسرائیل- فلسطین تنازع شروع ہونے کے بعد سےہلاکتوں کی کل تعداد 34454 تک پہنچ گئی ہے اور 77575 افراد زخمی ہوئے ہیں۔