خودکشی کی کوشش کرنے والے شخص کا سی پی آرکرتے ہوئے 2کانسٹیبلس نے جان بچائی

حیدرآباد:خودکشی کی کوشش کرنے والے شخص کا سی پی آرکرتے ہوئے دوکانسٹیبلس نے جان بچائی۔یہ واقعہ کل شب تلنگانہ کے ضلع رنگاریڈی کے بڈنگ پیٹ میں پیش آیا۔ جگن نامی شخص نے پولیس کواطلاع دی کہ وہ خودکشی کررہا ہے۔

اس اطلاع کے ساتھ ہی کانسٹیبل نارائنا اور نرسمہا جو رات کی ڈیوٹی پر تھے فوراً جگن کے گھر پہنچے۔پولیس نے جگن کو نیچے اتارااور اس کا فوری طور پر سی پی آر کروایاجس کے نتیجہ میں اس کی جان بچ گئی۔

 ہوش میں آنے کے بعد اسے بہتر علاج کے لیے عثمانیہ اسپتال منتقل کیا گیا۔ ڈاکٹروں کا کہنا ہے کہ متاثرہ اب بالکل ٹھیک ہے۔ اس کی جان بچانے پر جگن کی بیوی اور ارکان خاندان نے پولیس کا شکریہ ادا کیا۔بتایاجاتا ہے کہ اس نے خاندانی جھگڑوں کی وجہ سے خودکشی کی کوشش کی۔