ایشیاء
شیخ حسینہ کے خلاف قتل کے مزید 2 نئے کیس درج
بنگلہ دیش کی سابق وزیراعظم شیخ حسینہ اور ان کے سابق کابینی وزرا کے خلاف 3 افراد کے قتل کے الزام میں 2 نئے کیس درج کرائے گئے ہیں۔
![شیخ حسینہ کے خلاف قتل کے مزید 2 نئے کیس درج](https://urdu.munsifdaily.com/wp-content/uploads/2024/08/SHAIKH-HASINA-780x470.jpg)
ڈھاکہ: بنگلہ دیش کی سابق وزیراعظم شیخ حسینہ اور ان کے سابق کابینی وزرا کے خلاف 3 افراد کے قتل کے الزام میں 2 نئے کیس درج کرائے گئے ہیں۔
مہلوکین میں بی این پی کے 2 کارکن بھی شامل ہیں جنہیں ملک میں کوٹہ احتجاج کے دوران ہلاک کیا گیا تھا۔
ڈھاکہ کی عدالتوں میں جمعہ کے روز درج کرائے گئے کیسس 76 سالہ لیڈر کے خلاف درج کرائے جانے والے بے شمار مقدمات میں شامل ہیں۔
5 اگست کو ان کے استعفیٰ اور ہندوستان کو فرار ہونے کے بعد ان کے خلاف یہ کیسس درج کرائے گئے ہیں۔
اخبار ڈیلی اسٹارکی اطلاع کے مطابق اس کے ساتھ ہی شیخ حسینہ کے خلاف مقدمات کی تعداد 84 ہوگئی ہے جن میں 70 مقدمات قتل کے الزامات سے متعلق ہیں‘ 8 مقدمات انسانیت کے خلاف جرائم اورنسل کشی‘ 3 مقدمات مبینہ اغوا اور 3 دیگر الزامات پر مبنی ہیں۔
a3w