ناگور: راجستھان کے ناگور ضلع کے سورپالیہ تھانہ علاقے میں منگل کو ایک سلیپر بس الٹنے سے تین طلباء کی موت ہو گئی اور 12 سے زیادہ طلباء زخمی ہو گئے۔
ڈپٹی سپرنٹنڈنٹ آف پولیس کھیم رام نے بتایا کہ نیشنل لاء یونیورسٹی، جودھپور کے طلباء کو لے کر بس پنجاب سے جودھپور جا رہی تھی کہ آج صبح تقریباً 5.30 بجے سورپالیہ تھانہ علاقے میں ایک ٹریلر سے ٹکرا کر الٹ گئی۔
حادثے میں تین طالب علموں کی موقع پر ہی موت ہو گئی۔
حادثے میں زخمی طلباء کو ناگور کے جے ایل این اسپتال لایا گیا جہاں سے چار شدید زخمی طلباء کو جودھ پور ریفر کر دیا گیا۔
حادثے میں ہلاک ہونے والے طلباء کی لاشیں جے ایل این اسپتال کے مردہ خانے میں رکھی گئی ہیں۔
پولیس معاملے کی تحقیقات کر رہی ہے۔
ہمیں فالو کریں
