جھیل میں سیلفی لیتے ہوئے 4 نوجوان ڈوب گئے

چندر پور: مہاراشٹر کے چندر پور ضلع میں گھوڑازاری جھیل میں سیلفی لیتے ہوئے چار نوجوان ڈوب گئے۔ پولیس نے پیر کو یہ جانکاری دی۔

انہوں نے بتایا کہ یہ واقعہ اتوار کی شام تقریباً 4.30 بجے ناگبھیڈ تحصیل میں گھوڑازاری جھیل پر پیش آیا۔

پولیس کے مطابق، وروڑہ تحصیل کے شیگاؤں کے آٹھ نوجوان پکنک منانے گئے تھے۔

اسی دوران ایک نوجوان سیلفی لیتے ہوئے جھیل میں گر گیا اور اسے بچانے کے لیے پانی میں گھسنے والے تین افراد بھی ڈوب گئے۔

واقعہ کی اطلاع ملتے ہی مقامی پولیس اور ڈیزاسٹر ریلیف ٹیم کے اہلکار موقع پر پہنچ گئے اور سرچ آپریشن شروع کیا۔

پولیس کے مطابق، متاثرین کی شناخت منیش سری رامے (26)، دھیرج جیڈے (27)، سنکیت مودک (25) اور چیتن منڈاڈے (17) کے طور پر کی گئی ہے۔