ایریزونا اسٹیٹ یونیورسٹی میں درجنوں فلسطینی حامی مظاہرین گرفتار

لاس اینجلس: ایریزونا اسٹیٹ یونیورسٹی کے ٹیمپ کیمپس میں فلسطین کے حق میں احتجاج میں حصہ لینے والے کل 69 مظاہرین کو ہفتہ کے روز "یونیورسٹی کی پالیسی کی خلاف ورزی” کے لئے گرفتار کیا گیا، تمام گرفتاریاں فینکس میٹروپولیٹن علاقے میں پبلک ریسرچ یونیورسٹی کے مرکزی کیمپس میں کی گئیں۔

یونیورسٹی کی طرف سے ایک بیان میں کہا گیا ہے کہ مظاہرین کو "یونیورسٹی کی پالیسی کی خلاف ورزی کرتے ہوئے، غیر مجاز کیمپنگ کے بعد تجاوز کے الزام میں‘‘ ہفتہ کے روز علی الصبح گرفتار کریا گیا۔”

غزہ میں طویل تنازعہ ایک انسانی تباہی میں تبدیل ہونے کے باعث اسرائیلی فوجی کارروائی کے خلاف مظاہرے امریکہ بھر کے بڑے یونیورسٹی کیمپس تک پھیل رہے ہیں اور سینکڑوں افراد گرفتار ہوئے ہیں۔

فلسطینی ذرائع کے مطابق ہفتے کے روز وسطی اور جنوبی غزہ پر اسرائیلی فضائی حملوں میں کم از کم 22 فلسطینی ہلاک اور متعدد زخمی ہو گئے۔