درگاہ حضرت سید حافظ سید شاہ جلال الدین شاہ جمال البحر مشوق ربانی ثانیؒ کے 469 ویں عرس تقریبات

حیدرآباد: ورنگل کی مشہور اور تاریخی درگاہ، حضرت سید حافظ سید شاہ جلال الدین شاہ جمال البحر مشوق ربانی ثانی رحمۃ اللہ علیہ کے 469 ویں عرس شریف کی تقریبات کا شاندار آغاز ہو چکا ہے۔ ہر سال کی طرح، اس سال بھی عرس شریف کو بڑی عقیدت و احترام کے ساتھ منایا جا رہا ہے۔
عرس کی تقریبات کے حوالے سے درگاہ کے سجادہ نشین، سید شاہ محی الدین احمد بختیار قادری المعروف حسیب پاشاہ قادری نے میڈیا سے بات چیت کرتے ہوئے تفصیلات فراہم کیں۔ انہوں نے بتایا کہ عرس کی تقریبات دو دن تک جاری رہیں گی۔
22 جنوری، بروز جمعرات کو سندل شریف کا اہتمام کیا جائے گا۔23 جنوری، بروز جمعہ کو عرس شریف کی تقریبات مشوق گلشن عرس جاگیر کریم آباد میں منعقد ہوں گی، جہاں مختلف روحانی اور مذہبی پروگرامز کا انعقاد کیا جائے گا۔ 22 کو جلسہ عظمت ي مصطفیٰ اور فیضان ي علیہ کی صدارت مولانا سید شاہ محمود بادشاہ قادری زائرین کلّ جانشین حضرت سلطان ي واعظین رحمت االلہ علیہ کرینگے۔
عرس کی تقریبات میں کثیر تعداد میں عقیدت مندوں کی شرکت متوقع ہے۔ ملک بھر سے زائرین اس بابرکت موقع پر درگاہ شریف پہنچ رہے ہیں تاکہ حضرت کی روحانی تعلیمات سے فیض یاب ہو سکیں اور اپنی دعائیں پیش کر سکیں۔
عرس کے انتظامات کے سلسلے میں، درگاہ کی انتظامیہ نے خصوصی اقدامات کیے ہیں تاکہ زائرین کو سہولت فراہم کی جا سکے۔ مقامی پولیس اور دیگر انتظامی اداروں نے بھی درگاہ کے اطراف میں سیکیورٹی کے انتظامات کو یقینی بنایا ہے۔
اس موقع پر سید شاہ جمال الدین قادری المعروف خالد پاشاہ جلسے کی نگرانی کرینگے، اس موقع پر حبیب الدین قادری عبداللہ، امجد، اور دیگر معزز شخصیات بھی موجود تھیں۔ انہوں نے عرس شریف کی اہمیت پر روشنی ڈالی اور اس بابرکت موقع پر حضرت کی تعلیمات پر عمل پیرا ہونے کی تاکید کی۔
یہ عرس شریف نہ صرف مذہبی عقیدت کا مظہر ہے بلکہ یہ محبت، امن اور بھائی چارے کا بھی پیغام دیتا ہے۔ زائرین نے اس موقع پر اپنی عقیدت و محبت کا اظہار کرتے ہوئے حضرت کے مزار پر حاضری دی اور خصوصی دعائیں کیں۔