جدہ میں ہندوستانی قونصل خانے میں 77واں یومِ جمہوریہ شان و شوکت سے منایا گیا

سعودی عرب: سعودی عرب کے شہر جدہ میں واقع ہندوستانی قونصل خانے میں 77ویں یومِ جمہوریہ ہند کی مناسبت سے ایک پر وقار تقریب منعقد کی گئی۔

اس موقع پر قونصل جنرل فہد احمد خان سوری نے قومی پرچم لہرایا اور اپنے خطاب میں ملک کے اتحاد، جمہوری اقدار اور آئینی اصولوں کی اہمیت پر زور دیا۔

تقریب میں قونصل خانے کے اعلیٰ عہدیداران اور عملے کے علاوہ ہندوستانی برادری کی معزز شخصیات نے بڑی تعداد میں شرکت کی۔

نمایاں طور پر سید افتخار احمد (CGI)، عبدالباقر عباس، سعود بن سالم القرشین، مصطفیٰ (CGI اسٹاف و کمپیوٹر پروگرامر)، مولانا یونس اعظمی (مترجم)، ظفر بیگ تانڈور، مولانا یوسف اعظمی (اعظم گڑھ)، حافظ امجد (جدہ) اور حیدرآباد سے تعلق رکھنے والے حافظ محمد فیاض علی، مینجنگ ڈائریکٹر المیزان ٹورس اینڈ ٹریولز، تقریب میں موجود تھے۔