مودی کو مصر کا اعلیٰ ترین اعزاز

قاہرہ: وزیراعظم نریندرمودی کو اتوار کے دن صدرعبدالفتاح السیسی نے قاہرہ میں مصر کا اعلیٰ ترین اعزاز ”آرڈرآف دی نائل“ پیش کیا۔

1915ء میں قائم یہ ایوارڈ سربراہان مملکت‘ ولیعہد اور نائب صدور کو دیاجاتا ہے جنہوں نے مصر کیلئے یا انسانیت کیلئے گراں قدرخدمات انجام دی ہوں۔

وزیراعظم نریندرمودی کو ملنے والا یہ 13 واں اعلیٰ ترین سرکاری اعزاز ہے۔ وزارتِ خارجہ کے ترجمان ارندم باگچی نے ٹوئٹ کرکے بتایاکہ آرڈرآف دی نائل‘ تین مربع نما طلائی یونٹس پر مشتمل خالص گولڈکالرہے۔

یہ تینوں یونٹ ایک دوسرے سے جڑے ہوتے ہیں۔ گذشتہ9 سال میں مودی کو امریکی حکومت کو لیجن آف میرٹ‘ بحرین کے کنگ حماد آرڈر کے علاوہ متحدہ عرب امارات کا اعلیٰ ترین سیویلین اعزاز آرڈرآف زیدایوارڈ بھی مل چکا ہے۔

انہیں غیرمسلم ممتازشخصیتوں کو دیاجانے والا سعودی عرب کا اعلیٰ ترین اعزازآرڈرآف عبدالعزیزالسعود بھی حاصل ہوچکا ہے۔