تلنگانہ

ہندوستانی فضائیہ کا طیارہ تلنگانہ کے ضلع میدک کے توپران میں گرپڑا،دو پائلٹس زخمی

ہندوستانی فضائیہ کا پی سی 7ایم کے ٹو طیارہ تلنگانہ کے ضلع میدک کے توپران میں گرپڑا۔اس حادثہ میں طیارہ میں سوار دو پائلٹس شدید طورپرزخمی ہوگئے تاہم کسی جانی یا مالی نقصان نہیں ہوا ہے۔

حیدرآباد: ہندوستانی فضائیہ کا پی سی 7ایم کے ٹو طیارہ تلنگانہ کے ضلع میدک کے توپران میں گرپڑا۔اس حادثہ میں طیارہ میں سوار دو پائلٹس شدید طورپرزخمی ہوگئے تاہم کسی جانی یا مالی نقصان نہیں ہوا ہے۔

متعلقہ خبریں
توپران کے قریب ایرفورس کا طیارہ تباہ، 2پائلٹس ہلاک
مدینہ منورہ کی عظمت، برکت اور ادب پر مفتی ڈاکٹر صابر پاشاہ قادری کا روح پرور بیان
سنگاریڈی ضلع میں مزارات کو نقصان، جمعیۃ علماء کا احتجاجی میمورنڈم، ایس پی کا تعمیر نو کا وعدہ
ورنگل میں جشن عید میلاد النبی ﷺ کا بھرپور اہتمام
کتاب کی سرورق کی رونومائی تقریب حسینی علم ڈگری کالج برائے نسواں میں انجام پائی

یہ واقعہ پیر کی صبح پیش آیا۔مقامی افراد نے سب سے پہلے یہ منظر دیکھا جن کا کہنا ہے کہ ایک بڑی آواز کے ساتھ یہ طیارہ زمین سے ٹکراگیا جس کے ساتھ ہی اس میں آگ لگ گئی۔

مقامی افراد کی اطلاع کے ساتھ ہی پولیس وہاں پہنچی گئی جس نے صورتحال کا جائزہ لیا اور مقامی افراد کو طیارہ کے قریب جانے سے روک دیا۔

پولیس نے ہندوستانی فضائیہ کے عہدیداروں کو اس واقعہ کی اطلاع دی۔اس طیارہ نے حیدرآباد کے ڈنڈیگل ایرفورس اسٹیشن سے اڑان بھری تھی۔مقامی افراد نے کہاکہ اس واقعہ میں یہ طیارہ جل کر مکمل طورپر خاکستر ہوگیا۔

ہندوستانی فضائیہ کی جانب سے اس واقعہ کی وجوہات معلوم کرنے کی کوشش کی جارہی ہے۔ہندوستانی فضائیہ نے بتایا کہ یہ طیارہ معمول کی اڑان پر تھا۔