تلنگانہ

توپران کے قریب ایرفورس کا طیارہ تباہ، 2پائلٹس ہلاک

شہر حیدرآباد سے 60 کیلو میٹر دور ضلع میدک میں توپران کے قریب پیر کے روز صبح میں انڈین ایرفورس کا ایک تربیتی طیارہ گرکر تباہ ہوگیا جس کے نتیجہ میں 2 پائلٹس ہلاک ہوگئے۔

حیدرآباد: شہر حیدرآباد سے 60 کیلو میٹر دور ضلع میدک میں توپران کے قریب پیر کے روز صبح میں انڈین ایرفورس کا ایک تربیتی طیارہ گرکر تباہ ہوگیا جس کے نتیجہ میں 2 پائلٹس ہلاک ہوگئے۔

متعلقہ خبریں
لوک سبھا الیکشن: ضابطہ اخلاق بہت جلد نافذ ہوگا: مرکزی وزیر کشن ریڈی
ٹی ڈبلیو اے ٹی کا میجسٹک ہوٹل نامپلی میں اجلاس
تلنگانہ میں گرمی کی شدت میں بتدریج اضافہ
تلنگانہ کی تباہی کیلئے کے سی آر اور ان کا خاندان ذمہ دار: ریونت ریڈی
دھرانی پورٹل کی خامیوں کا گہرائی سے جائزہ لینے کا عمل جاری

پلاٹس PC 7M11 ٹرینر طیارہ (ایر کرافٹ) معمول کی تربیتی مشق پر آج صبح حیدرآباد کے ایر فورس اکیڈیمی سے اڑان بھراتھا۔

انڈین ایر فورس کے عہدیداروں نے بتایا کہ ٹرینر طیارہ میں سوار دو پائلٹوں میں ایک انسٹرکٹر تھا جبکہ دوسرا تربیت حاصل کررہاتھا۔

انڈین ایرفورس انتہائی دکھ کے ساتھ دو پائلٹوں کی ہلاکتوں کی توثیق کررہی ہے۔ طیارہ کے گرکر تباہ ہونے سے کوئی عام شہری یا عوامی املاک کو نقصان نہیں ہوا۔

آئی اے ایف کے بیان میں یہ بات بتائی گئی۔ حادثہ کی وجہ جاننے کے لیے کورٹ آف انکوائری کا حکم دیدیا گیاہے۔ بڑے چٹانوں کے درمیان یہ طیارہ گرکر تباہ ہوگیا اور پورا جل گیا۔ یہ واقعہ آج صبح 8:30 بجے کے قریب پیش آیا۔