وشاکھاپٹنم میں سڑک حادثہ،3 افرادہلاک

حیدرآباد: آندھراپردیش کے ضلع وشاکھاپٹنم میں پیش آئے سڑک حادثہ میں تین افرادہلاک ہوگئے۔یہ حادثہ ضلع کے اکاریڈی پالم علاقہ میں اُس وقت پیش آیا جب لاری کے ڈرائیور نے اس کا توازن کھودیا اور یہ لاری، وین سے ٹکراگئی۔حادثہ اتنا شدید تھا کہ تین افراد موقع پر ہی ہلاک ہوگئے۔

اس حادثہ میں مزید دس افراد زخمی ہوگئے جن کو علاج کے لئے اسپتال منتقل کردیاگیا۔پولیس نے بتایا کہ مہلوکین کا تعلق مغربی گوداوری ضلع کے کوورسے ہے۔

اطلاع ملتے ہی پولیس وہاں پہنچی جس نے لاشوں کو پوسٹ مارٹم کے لئے بھیج دیا اور اس سلسلہ میں ایک معاملہ درج کرکے جانچ شروع کردی۔