حیدرآباد میٹرو کے کرایوں میں اضافہ، جانیے اب کتنا دینا ہوگا کرایہ

حیدرآباد:حیدرآباد میٹرو ریل (HMR) نے اپنے تمام روٹس پر کرایوں میں اضافہ کر دیا ہے، جو ہفتہ، 17 مئی 2025 سے نافذ العمل ہوگا۔ L&T میٹرو ریل نے جمعرات کو ایک بیان میں کہا کہ کرایوں کی اس نئی ساخت کو Fare Fixation Committee (FFC) نے مالی استحکام اور عوام کی استطاعت کو مدنظر رکھتے ہوئے تجویز کیا ہے۔

نئے کرایہ جات کی تفصیل درج ذیل ہے:

• 2 کلومیٹر تک: 12 روپے
• 2 سے 4 کلومیٹر تک: 18 روپے
• 4 سے 6 کلومیٹر تک: 30 روپے
• 6 سے 9 کلومیٹر تک: 40 روپے
• 9 سے 12 کلومیٹر تک: 50 روپے
• 12 سے 15 کلومیٹر تک: 55 روپے
• 15 سے 18 کلومیٹر تک: 60 روپے
• 18 سے 21 کلومیٹر تک: 66 روپے
• 21 سے 24 کلومیٹر تک: 70 روپے
• 24 کلومیٹر سے زائد: 75 روپے

حکام کے مطابق، یہ اضافہ میٹرو ریل وے (آپریشن اینڈ مینٹیننس) ایکٹ 2002 کی دفعہ 34 کے تحت قائم کردہ Fare Fixation Committee کی سفارشات کی روشنی میں کیا گیا ہے۔ اس کمیٹی کی سربراہی ایک سابق ہائی کورٹ جج نے کی، اور اس کی رپورٹ 25 جنوری 2023 کو پیش کی گئی تھی۔

قانون کے مطابق، کمیٹی کی سفارشات پر عملدرآمد لازمی ہے، لہٰذا 17 مئی سے تمام مسافروں کو نئے کرایے ادا کرنے ہوں گے۔

حیدرآباد میٹرو ریل حکام نے عوام سے درخواست کی ہے کہ وہ اس فیصلے کو مثبت انداز میں قبول کریں کیونکہ یہ نظام کے معیار اور خدمات کو برقرار رکھنے کے لیے ناگزیر ہے۔