حیدرآباد

کانگریس ورکرس، کاسٹ سروے کے خلاف سازشوں کو ناکام بنائیں: صدر ٹی پی سی سی

صدر ٹی پی سی سی مہیش کمار گوڑ نے کانگریس کارکنوں کو ریاست میں جاری گھر گھر خاندانی سروے کے خلاف بعض اپوزیشن جماعتوں کی جانب سے سروے کو ناکام بنانے کی سازشوں سے چوکس رہنے اور سروے کو کامیاب بنانے کے لئے سرگرم عمل ہوجانے کا مشورہ دیا۔

حیدرآباد (منصف نیوز بیورو) صدر ٹی پی سی سی مہیش کمار گوڑ نے کانگریس کارکنوں کو ریاست میں جاری گھر گھر خاندانی سروے کے خلاف بعض اپوزیشن جماعتوں کی جانب سے سروے کو ناکام بنانے کی سازشوں سے چوکس رہنے اور سروے کو کامیاب بنانے کے لئے سرگرم عمل ہوجانے کا مشورہ دیا۔

متعلقہ خبریں
2029 کے فائنل میں راہول کو وزیر اعظم بنانے ریونت ریڈی کا عزم
ضلع مرکز میں 27 واں مفت سمر کراٹے کیمپ، طلباء کی صلاحیتوں کو نکھارنے کا سنہری موقع: چنہ ویرایا
نظام آباد میں جمعیۃ علماء ہند کی ممبر سازی مہم کا زبردست آغاز، بڑی تعداد میں مسلمانوں کی شمولیت
جمعیتہ علماء ضلع نظام آباد کی مجلس منتظمہ کا اجلاس وممبر سازی مہم کا آغاز
اقلیتی طلبہ کے لیے UPSC امتحان کی مفت کوچنگ، درخواستوں کا آغاز

آج اپنے ایک صحافتی بیان میں مہیش کمار گوڑ نے کہا کہ ذات سروے کمزور طبقات کے لئے انتہائی اہمیت کا حامل ہے۔

اے آئی سی سی قائد راہول گاندھی نے انتخابات کے دوران کاسٹ سروے کروانے کا وعدہ کیا تھا تاکہ کمزور طبقات کو زندگی تمام شعبہ حیات میں انصاف مل سکے۔ چنانچہ تلنگانہ حکومت نے 6نومبر تا 30 نومبر ریاست بھر میں گھر گھر سروے کا آغاز کیا۔

اس کے لئے ریاست بھر میں 85ہزار ملازمین کو اس سروے کے لئے مامور کیا گیا۔ صدر ٹی پی سی سی نے عوام کو مشورہ دیا کہ وہ سروے سے متعلق کسی بھی شک و شبہات میں مبتلا نہ ہوں۔ سروے کی تمام تفصیلات کو محفوظ رکھا جائے گا۔ وہ بلا خوف و خطر سروے میں حصہ لیں۔

Photo Source: @SatishManneINC