ماں کو موت کے گھاٹ اتار کر 17سالہ لڑکے کی پولیس کو خودسپردگی

بنگلورو: ایسٹ بنگلورو کے کرشناراجہ پورم میں ایک17سالہ لڑکے نے اپنی ماں کو مبینہ طور پر موت کے گھاٹ اتار کرکے خود کو پولیس کے حوالے کردیا۔

مقتولہ وائٹ فیلڈ میں سافٹ ویئر کمپنی میں ملازم تھی۔ڈ ی سی پی وائٹ فیلڈ شیوکمار گونارے نے بتایا کہ یہ واردات جمعہ کو صبح 8اور 8:30 بجے کے درمیان پیش آئی۔

پولیس نے کہا کہ ابتدائی تحقیقات میں انکشاف ہوا کہ لڑکے نے طیش میں آکر ماں کا قتل کیا۔ لڑکا کالج جانے کی تیاری کررہا تھا اور ناشتے کا منتظر تھا مگر اس کی ماں سورہی تھی۔

شبہ ہے کہ طیش میں آکر اس نے لوہے کی سلاخ سے اس پر وار کیا۔“ لڑکا‘ ڈپلوما کررہا ہے۔ پولیس ذرائع نے کہا کہ لڑکا ناراض تھا کہ ماں پر خاطر خواہ توجہ نہیں دے رہی ہے۔ کے آر پورم نے کیس درج کرلیا۔