ممبئی کے مسلم اکثریتی علاقہ ڈونگری میں عمارت منہدم،کوئی جانی نقصان نہیں
اس میں بہت سی دراڑیں تھیں۔ فنڈز کا بندوبست کیا جا رہا تھا، لیکن مرمت کا کام نہیں ہوا، جس کی وجہ سے جزوی طور پر گر گیا۔
ممبئی: جنوبی ممبئی کے گنجان آبادی والے مسلم اکثریتی علاقہ ڈونگری میں نور ولا نامی چار منزلہ عمارت کا ایک حصہ گر گیا۔
جائے وقوعہ پر موجود حکام کے مطابق خوش قسمتی سے کوئی جانی نقصان نہیں ہوا۔
فائرمحکمہ کے اہلکار، پولیس اور برہن ممبئی میونسپل کارپوریشن (بی ایم سی) کی ٹیموں کے ساتھ، فی الحال ملبہ ہٹانے میں مصروف ہیں۔بتایا جاتا ہے کہ واقعی نصف شب میں پیش آیا،رہائشیوں کی حفاظت کو یقینی بنانے اور نقصان کی حد کا اندازہ لگانے کی کوششیں جاری ہیں۔
مقامی کانگریس ایم ایل اے امین پٹیل نے اس واقعہ پر تبصرہ کرتے ہوئے انکشاف کیا کہ عمارت کا نام نور ولا ہے۔
اس میں بہت سی دراڑیں تھیں۔ فنڈز کا بندوبست کیا جا رہا تھا، لیکن مرمت کا کام نہیں ہوا، جس کی وجہ سے جزوی طور پر گر گیا۔
فائر بریگیڈ اور پولیس کے مطابق، کوئی جانی نقصان نہیں ہوا۔
ممبئی فائر بریگیڈ کو نصف شب کو اس واقعہ کے بارے میں الرٹ موصول ہوا اور وہ جائے وقوعہ پر پہنچ گئے۔ عمارت کے محکمے کے اہلکاروں کے ساتھ فائر بریگیڈ کی پانچ گاڑیوں کو تلاش اور بچاؤ کی کارروائیوں اور ملبے کو ہٹانے کے لیے مقام پر تعینات کیا گیا تھا۔
اگرچہ اس وقت عمارت خالی تھی، حکام نے کوئی موقع نہیں لیا اور کسی بھی پھنسے ہوئے افراد یا ممکنہ خطرات کے لیے جگہ کا اچھی طرح سے معائنہ کیا۔
واقعہ سے گھبرا کر مقامی لوگ بڑی تعداد میں منہدم عمارت کے پاس جمع ہو گئے۔ صورتحال کو سنبھالنے اور امن و امان برقرار رکھنے کے لیے پولیس کی ٹیمیں بھی علاقے میں روانہ کی گئی ہیں،دوسری آس پاس کی عمارتوں کو کوئی نقصان نہ پہنچے اس کاجائزہ لیاجارہاہے۔
